नेपाली विध्यार्थी समेटेर सीड्नीमा एक्स्ट्राटेकले मनायो तिहार

बिदेशमा उच्च अध्यन गर्न आएका नेपाली विध्यार्थीहरुलाई चाडबाडमा एक्लो महशुस नहोस भन्ने कामनाका साथ एक्स्ट्राटेकले अर्वन पार्कमा तिहार शुभकामना कार्यक्रम आयोजना गरेको छ । दाजुभाइ तथा दिदीबहिनीले एक अर्काको सुस्वास्थ्य र दीर्घायुको कामना गर्दै एक अर्कामा सदभाव बाड्दै अस्ट्रेलियाका बिभिन्न शहरहरुमा नेपालीहरुले भब्य रुपमा भाइटीका पर्वको अवसर पारेर एक्स्ट्राटेकले आइतबार शुभकामना आदान प्रदान तथा रमाइलो नाचगान कार्यक्रमको आयोजना गरेको हो । बिदेशमा अध्यन गर्न आउने नेपाली विध्यार्थीहरुको बिशेष उपस्थीतीमा आयोजित कार्यक्रममा नेपाली गित संगितमा नाचगान गरेर तिहारलाई बिदा गरेका थिए । हाम्रो उद्देस्य भनेको यहा उच्च अध्यन गर्न आएका भाइ बहिनीहरुलाई चाडबाडमा एक्लोपन महशुस नहोस भन्ने हो र त्यसका लागि हामीले सानो तिहार भेटघाटका साथै खेलकुद कार्यक्रमको समेत आयोजना गरेका हौ एक्स्ट्राटेकका निर्देशक तथा एनआरएन एनएसडब्लु सचिब बिनोद कुवंरले बताए । बिहानैदेखि प्रारम्भ भएको कार्यक्रम साँझ ५ बजेसम्म चलेको र विध्यार्थीहरुले खानपीनका साथै नेपाली गित संगितमा समेत रमाइलो गरेको कुरा कुवंरले सुनाए । आइटीको शैक्षिक परामर्श केन्द्रको रुपमा एक्स्ट्राटेकले नेपाल र अस्ट्रेलियामा आफ्नो गतिविधि अगाडि बढाउदै आएको छ ।