LEADING_MAIN
राजदुत दाहालले ओहदाको प्रमाणपत्र बुझाए
बुधबार, कात्तिक २७, २०७६
अष्ट्रेलियाका लागि नेपाली राजदूत महेशराज दाहालले बुधबार गर्भनर डेविड हर्ली समक्ष ओहदाको प्रमाणपत्र बुझाएका छन् ।
क्यानबेरास्थित गभर्नर हाउसमा आयोजित विशेष कार्यक्रममा गभर्नर जनरल डेबिड हर्लीसमक्ष दाहालले प्रमाणपत्र बुझाएका हुन् । ओहदाको प्रमाणपत्र बुझाएपछि आधिकारीक रुपमा दाहालले अस्ट्रेलियाको राजदुतको पद संहालेका छन ।
औपचारिक रुपमा कार्यभार सम्हाल्नुअघि स्थानिय सरकारका प्रमुखसँंग ओहदाको प्रमाणपत्र बुझाउनुपर्ने अन्तराष्ट्रिय चलन छ ।
राजदुत दाहालले ओहदाको प्रमाणपत्र बुझाएपछि सन् १९६० देखि नेपाल र अष्ट्रेलियाबिच सुमधुर कुटनैतिक सम्बन्धलाई बढावा दिने प्रयास गर्ने बताए ।
राजदूत दाहालले नेपाल र अष्ट्रेलियाले कुटनैतिक सम्बन्धलाई अझ बलियो बनाउदै जानुपर्नेमा आफुले जोड दिएको बताए ।
गभर्नर जनरल डेबिड हर्लीले राजदूत दाहाललाई सफल कार्यकालको शुभकामना दिएका थिए । राजदुत दाहालले ओहदाका प्रमाणपत्र बुझाएपछि करिब बिस मिनेट आफुले गर्भनर डेविडसँंग दुइ देशबिचको सम्वधका बारेमा छलफल भएको बताए ।
आउँंदो शुक्रबार राजदुत दाहालले पहिलो पटक अस्ट्रेलियाका केहि वकिल र इन्जिनियरहरुलाई बोलाएर दुतावासको भवन निमार्ण बारे छलफल बैठक बोलाएका छन ।
प्रकाशित मिति: बुधबार, कात्तिक २७, २०७६
प्रतिक्रिया दिनुहोस्
