तमू समाजले ल्हाेछार मनाउने

  सिड्नी ,२३ डिसेम्बर । गुरुङ, तमुहरुको महान पर्ब तमु ल्होछार Year of the Deer फो ल्होको अवसर पारेर तमू समाज सिड्नीले यहि जनवरी ५ तारिख शनिबार का दिन "नयाँ वर्ष तमु ल्हाेछार/ल्होसार " पर्व मनाउने भएको छ । 'नयाँ वर्ष तमू ल्हाेछार, अरुलाई सम्मान हाम्राे पहिचान' भन्ने नाराका साथ् मनाइने उक्त पर्वमा सहभागिता जनाउन यहाका नेपालि समुदायलाई आयोजक सस्थाले हार्दिक अनुरोध गरेको छ । समाजमा विभिन्न समुदायबिच भाईचारा तथा सद्भाव कायम गरि आफ्नो संस्कृतिको सम्बर्धन र रक्षा गर्न यो स्लोगन तय गरेको सस्थाका अध्यक्ष टंक घोताने गुरुङले जानकारी दिए । सिड्नीमा जन्मेर हुर्कदै गरेका नेपालि मुलका बालबालिका हरुलाई हाम्रो कला सस्कृति को बारेमा जानकारी गराउने मूल उद्देश्य यस पटकको कार्यक्रमको रहेको बताइएको छ ।ल्हाेछारलाइ तमूहरुकाे नयाँ वर्षमात्र नभई सामाजिक सद्भाव कायम गर्ने महत्वपुर्ण अवसरको रुपमा पनि लिइदै आइएको छ । ल्हाेछारकाे विशेष कार्यक्रममा आयोजक सस्थाले गुरुङ जातिसंग जाेडिएका सांस्कृतिक, धार्मिक र परम्परागत नृत्य, गायन र पुजापाठ प्रस्तुत गर्ने छ । सिड्नीको हर्स्ट भिल स्थित मराना अडिटोरियम हलमा हुने उक्त कार्यक्रम साँझ ५.३० बजे सुरु हुनेछ ।